طبعا هذا الموضوع (مفتوح)
ويسمح به بطرح جميع الحوارات للمناقشه بين الاعضاء..
فجيمع الاسئله مسموحه..
وجميع الحوارات مسموحه...
وهكذا...!!
يعني مثلا يوم اتكلم ربيعك على التلفون..!!
او على الماسنجر...!!
او تبا تسأل عن شخص (ضايع)
بعد اذن السمؤلين طبعا واذن المشرفين
نفتح اول حوارتنا....
)
مشكلتي يااخون اني ساكن في منطقه جديده...وهاي المنطقه مافيها خدمه (الشامل او الكيبل)
فاخترعت الاتصالات..خدمه جديده بعد ماحنيت عليهم اكثر من سنه وكل شهر (متنطع) عندهم لان (الدايل اب) ماينفع مول وماتقدر تفتح صفحه...فاخترعوا خدمه يديده واسمها (اي ون) وهذا الله يسلمكم....اريل يركبونه فوق البيت وعن طريق هذا الاريل يشتغل الانترنت بسرعه عاليه...في البدايه وايد استناست...وكل يوم مسوي لي سيدي اغاني ..منزل لي فلم....منزل لي برنامج الانترنت عندي سريع..ومن حقي ....!!!
لا ونسيت اخبركم...مرات اخليه اسبوع شغال ...تعرفون الدفع شهري حتى لو مااستخدمته.....
وبعد فتره بدات المشاكل تطلع عندي...
فاذا اتحرك الاريل اشوي بعوامل التعريه...فبوسلمان ينحرم من الانترنت....
فاتصل في (الهلب دسك) ياجماعه الانترنت مايشتغل عندي....عقب يوم ولا يومين دقوا الباب...بس متي يدقون الباب الساعه 9 او 8 وهو قبلها بساعه يتصلون فيك عسب تعطيهم (خريطه البيت)
يعني خربوا ارقادك هذا اليوم مثل ماحصل اليوم...!!
ويركب الريال فوق البيت ويضبط القياس مال الاريل ويقولك اتوكل على الله...بس حاول انك اتثبت الاريل عدل عسب مايتحرك مره ثانيه.....
مايمر اسبوع الا اتغير الجو علينا واشوي من ها الرياح الشماليه الغربيه..حركت الاريل.....تعال واتصل فيهم...اشوي ولا متصلين فيك الصبح مخربين رقادك...اشوي ولا مضبط الاريل وركبه...اشوي ولا يقولك يابوسلمان سنع وزارتك وعدل اريك...اقوله حاظرين....
تعال واشتغل في الانترنت نزل اغاني سوا سيديات شارك في المنتديات.....
عقبها بومين..اتجهز طرادك عسب اسير البحر اتيب سمج...توك بتدخل ....الجو انجلب عليك....اوووووووف شمال مانقدر ندخل نرجع البيت...نوصل البيت ابا ادخل النت الا الشمال ياب على الاريل وحركه...
قلت قبل مااتصل فيهم...
قمت واشتريت (دريل) وسكرايب وبراغي..وثبت الاريل روحي....صدقوني لو تسونامي اي في دبي الاريل مايتحرك....
طبعا انا غيرت مكان الاريل وضبطه..بس يباله موازنه اشوي قوم واتصل فيهم الصبح اليوم الثاني يتصلون فيك الساعه 7 (عقب عرفت ليش هم يتصلون الساعه سبع عسب لو يخترب مره ثانيه ماتتصل) ايون يعدلون الاريل يطلع نفس الريال اللى يعدله كل مره يطالعك بنفس خايسه...ويقول يابوسلمان تراك اذتنا..ثكلتك امك وانا اسوي عمري اضحك....وفي خاطري اعقه من فوق البيت...بس هو اكبر عني مب سنا ولكن جسمانيا.....
المهم الحمدلله اتصلح الانترنت الان...
ومثل مااتشوفوني..اشارك وياكم....وهذا سبب غيابي عن المنتدي الفتره الاخيره
طبعا اشكر كل من سال عني..
وعساكم على القوه....
ويالله نتريا مشاركتكم ومغامراتكم...
اخوكم نصراوي حتي الموت
الخميس سبتمبر 10, 2009 5:56 pm
